Трилер филмови кои ќе ви предизвикаат морници, ќе ве соочат со стравовите и ќе ве натераат да се сомневате во сè
Ви носиме 5 одлични трилер филмови кои дефинитивно не влегуваат во категоријата на минливи.
Трилер филмовите, без сомнение, се наоѓаат на самиот врв на жанровската популарност. Секако, апсолутно оправдано. Тие на гледачите им носат чувства на фасцинација, возбуда, исчекување, напнатост и стравување, а во нивниот заплет совршено ги имаат спакувано неочекуваните пресврти и тензии кои никогаш не недостасуваат. Гледајќи трилери, нè следи прашањето што ќе се случи следно, а нивните пулсирачки наративи, неизвесните чекори и постојано присутниот сомнеж нè вовлекуваат во виорот на емоции каде што и ние како гледачи стануваме учесници во дејството.
Како вечни фаворити, трилер филмовите се богато вградени во филмската колекција на Pickbox NOW, а ние ви носиме десет од нив, со кои обичната вечер пред малите екрани ќе се претвори во мистериозна приказна.
Филмот ја носи приказната за еден татко кој морал да се соочи со најголемата трагедија во својот живот, загубата на неговата сопруга која починала раѓајќи го нивното дете. Сето тоа се случува за време на разорниот ураган Катрина, кој направил апсолутна катастрофа во болницата каде што се наоѓаат. Улогата на очајниот татко, кој се справува со низа тешки одлуки за да ја спаси својата ќерка, совршено ја игра легендарниот Пол Вокер, а емоционалната и лична приказна со секој чекор станува сè поинтензивна, како и чувствата кај гледачот кои се на својот врв до самиот крај.
Граница на округот (County Line)
Кога брутално ќе му го убијат најдобриот пријател, бившиот шериф е оставен со многу прашања, но без одговори. Откако истрагата ќе заглави и сè ќе почне да смрди на корупција, тој мора да ги преземе работите во свои раце или ќе стои настрана додека поголемо зло го презема градот. Том Вопет и Џеф Фахи одлично ја пренесуваат приказната покрај кантри тоновите кои ја доловуваат атмосферата на мал град кој секогаш е преполн со свои тајни.
Уметност на одмаздата (M. F. A.)
Ќерката на актерската легенда Клинт Иствуд, Франческа Иствуд, во овој моќен филм глуми студентка по уметност која станува жртва на суров сексуален напад од којшто излегува како сосема различна личност. Случајната смрт на нејзиниот силувач ја насочува на патот кон правдата, а нè поттикнува и нас да започнеме сопствено истражување и да се соочиме со тематиката. Како што се одвива, филмот одлично ги држи гледачите ангажирани испраќајќи важна порака.
Закон на молкот (The Company You Keep)
Роберт Редфорд, Шија Лабаф, Брит Марлинг, Стенли Тучи, Сузан Сарандон - ако ова не е добитна комбинација за одличен филм, не знаеме што е. Заедно со потерата којшто се протега низ филмот по голем грабеж на банка, добиваме и комбинација на елементи кои ги носат класичните трилер филмови како и новинарството за да се создаде современа сага за политичкиот идеализам, студената реалност и последиците од лошите дела на идните невини поединци.
Ашер (Asher)
Филмот ја носи едноставноста на моќната приказна за човек кој сака да го редефинира својот концепт за доброто и злото како основа на сè. Ашер, како бивш агент на Мосад, станува платен убиец кој живее скромен живот. Доближувајќи се до крајот на својата кариера, тој ја прекршува заклетвата што ја дал како млад кога ја запознал Софи. За да ја освои љубовта на својот живот, тој мора да го убие човекот каков што бил за да има шанса да стане човекот каков што сака да биде. Одлична работа на режисерот Мајкл Катон-Џонс, како и на актерот Рон Перлман.
