Романтични комедии кои внесуваат безгрижност, опуштеност и чиста позитивност

Цвеќарката Хелен го запознава својот мистериозен маж од соништата на бал под маски, по што тргнува во потрага по него со својот пријател Хенри. Многу сладок филм кој малку потсетува на Пепелашка, со трогателен крај и класична нишка налик на бајките, како и одлична хемија помеѓу главните ликови.

Сопственичка на кафуле, во која сите се вљубуваат, би можела да изгуби сè по неуспешната свршувачка на славен човек кој е одбиен од неговата девојка пред толпа луѓе и камери. Сепак, таа одлучува да му помогне одново да ја освои, но се разбира, и самата полека се љубува во него... Многу лесно и забавно дејство со крај каков што го посакувате.

Откако нејзиното видео станува вирално, приземната механика Ники ‘Спаркс’ Тарнер почнува да се вљубува во шармантниот публицист Џереми Мичел, кој настојува да ја претвори во првата женска водителка на најголемиот американски автомобилски саем. Она што го прави филмот пријатен е неговата едноставност, а лесно е да ги засакате симпатичните ликови во главните улоги.

Кога една надежна танчерка ќе биде оставена од нејзиниот партнер неколку дена пред нејзиниот голем настап, таа ќе мора да научи еден боксер на некои движења за да ја освои паричната награда и да го отвори своето танцово студио од соништата. Гледаме пар кој веројатно никогаш не би го споиле во реалниот свет, но затоа тука се романтичните комедии во кои сè е можно.

Авторка на бестселери која страда од амнезија по сообраќајна несреќа, наоѓа засолниште кај локалниот лекар во мало идилично гратче во Вермонт. Деликатес за саботната вечер, многу привлечен филм што вреди да се гледа со две зрели, сериозни главни улоги со одлична хемија.

По долгогодишно штедење, писателката Кара Дурант конечно ја купува својата куќа од соништата на брегот на реката во својот роден град, само за да открие дека веднаш до неа се гради хидроцентрала, а работите ги предводи згодниот Рајли Еванс. Гледате каде води сето ова. Отпрвин спротивставената двојка ќе се обиде да најде заеднички јазик, но дали ќе успеат во тоа?

Романтичарка во душа го договара датумот за својата свадба без оглед на тоа што сè уште е слободна. Додека се впушта во потрага по свршеник, таа не е ни свесна дека вистинската љубов е буквално пред нејзиниот нос. Чиста забава на малите екрани и многу симпатична актерска екипа за прекрасна филмска вечер.

Лук е анонимен претседател на компанија која ја води неговиот пријател од детството. Вложува многу во заедницата, па така одлучува да инвестира во летниот камп во кој одел како дете. Таму ја запознава Зои, која, како и тој, летувала во тој камп од својата осма до петнаесетта година, кога меѓу нив почнала да се раѓа љубов... Сентиментално дејство, трогателни сцени, едноставна романтика и прекрасни сцени од природата. Можеби тоа ќе ви разбуди некои стари спомени од вашите први љубови и симпатии.

Надежен музичар се бори со депресија по аферата со инструкторката по јога чиј брак со постар маж се распаѓа. Меѓутоа, меѓусебната страст со текот на времето сè повеќе ги уништува нивните животи, а приказната што ќе ја следите во филмот веројатно ќе ја носите во мислите и во наредните денови. Ликовите се многу автентични, глумата одлична, како и хемијата меѓу актерите. Дејството уште еднаш нè учи како нешто што на почетокот може да изгледа како повремена и привремена забава, може да доведе до долгорочни негативни последици. Можеби нема да го ставите овој филм на топ 10 списокот на романтични комедии, но токму затоа треба да му дадете шанса.

Габриел Ричмонд е семеен човек со многу добро платена работа како архитект. Сепак, тој одлучува да ја напушти за да напише театарска драма за неговиот живот, иако неговиот брак е во сè полоша состојба. Во еден момент, неговиот живот целосно се распаѓа. Се работи за приказна во која мажот на површината има сè што може да посака – одлична работа, прекрасна сопруга и посветена ќерка, но сепак не е среќен...