Џеф бил бостонски детектив, но по ранувањето на должност е испратен во пензија што ја поминува во Мартас Винјард, каде што како дете ги поминувал летата. Набргу го обновува пријателството со Зи, поранешната симпатија која ја води локалната болница. Кога Џеф открива едно тело на брегот, шефот на полицијата, кој е и татко на Зи, ги ангажира Џеф и Зи да го решат убиството пред почетокот на туристичката сезона. Наскоро откриваат дека Реј воспоставил врска со најбогатите семејства во градот, но и дека Реј не е неговото вистинско име, иако тој самиот можеби тоа не го ни знаел, а некој бил подготвен да го убие за да не се дознае тајната. Со тек на времето го откриваат мотивот на Реј, кој им открива кој е убиецот.
